ابو احمد الحداد المسعودي
طر فجر الأمامه بنوره من جديد
وتناغه إبمحبه يبشر بكوثر !
لبس حسن الطبيعه بزينة الأشجار
غطاها بجماله بلونّه الأخضر !
سامرّه بحنانه جنان بالمختار
واصلهم سلاله أجداد من حيدر !
عرفهّم وجوده الهادي للأنصار
إنطاهم ضمان لشيعته وأكثر !
ياسر الخليقه أسراره بتاريخ
يخفون الحقيقه بكل زمن تعثر !
ركب راس الزمان إتعيقل إعله الناس
شاخ بظلمه جزار إنوّصف وأخطر !
شاع دروب جهله بكل كتر ياحيف
وتماشه بطريقه إتحلل المنحر !
حرم عل الزمان إنعيش بيه أحرار
كفرونه بفتاوى وثبتوّ محضر !
يانور الولاده نريدك بكل يوم
تبزغ عل الأرض وآثاركم تظهر !
سيف الله بيمينه وثاره ماينعاف
يطيّر إركاب عاثت بالكفر وأكثر !
نتباشر ولاء بكل رجب نسمات
تهب بسم الشريعه إتسبح وتفخر !
هذا اليوم مو كل يوم بالأفلاك
لن بيه المكارم تنولد تنسر !
طيبوّ أصواتكم حلوهه كل إلسان
عرفان بمحمد وآله من يذكر !
